Nun prazo máximo de 48 horas recibirás un correo que confirmará a túa praza na Misión e darache acceso á plataforma.

Introduce os grupos-clase cos que queres participar e crearanse automaticamente un equipo e unha misión para cada un deles. Lembra: cada clase participa conxuntamente como un só equipo. Cada equipo, só pode participar nun único reto..

Ofrecémosvos unha sesión de formación virtual para o profesorado inscrito. Explicarémosvos como funciona o proxecto e os contidos que traballaredes nos laboratorios.

Unha vez que lles presentes o proxecto ao teu alumnado, ofrecémosvos a oportunidade de coñecernos e falar con nós en directo a través dunha videollamada.
Todos os centros de Misión ALBA poderedes conectarvos, e amosarémosvos o sincrotrón a través da pantalla. Grazas ao chat en directo, podedes facernos as preguntas que queirades :)

En cada etapa traballaredes guiados por dúas persoas do equipo do Sincrotrón ALBA. Esta parella de guías anunciaravos nun vídeo cal é o reto ou enigma científico que debedes resolver. Para descifralo deberedes descargarvos un PDF co programa de traballo e realizar un experimento na aula. Ao final deberedes encher o informe de laboratorio para demostrar que superastes o reto.

Ao final do curso faremos outra conexión virtual, onde o alumnado poderá coñecer e falar por chat con algúns membros do persoal de ALBA que coñeceron durante a Misión.
Todos os participantes que cheguen á meta recibirán tamén unha pulseira de recordo. Ademais, ao rematar cada laboratorio, entre todos os equipos que o resolvan dentro do calendario recomendado, sortearase o lote de premios que aparece na páxina de inicio desta web.